AFG‘ONISTON, 2025-yil 23-iyun – Karavan info axborot agentligi. Amir Xon Muttaqiyning aytishicha, IHT (Islom Hamkorligi Tashkiloti) davlatlari Afgʻonistonga qarshi sanksiyalar joriy etgan, shuningdek, afgʻon xalqining milliy boyliklarini muzlatib qoʻygan, buning natijasida mamlakatning tabiiy iqtisodiy rivojlanishi qiyinchiliklarga duch kelmoqda.

“Men yana bir bor Islom hamkorlik tashkiloti va unga aʼzo davlatlarni “Da Afgʻoniston” bankining muzlatilgan aktivlarini kechiktirmasdan va hech qanday toʻsiqlarsiz ochishga chaqiraman.Umid qilamanki, siz oʻz insoniy va islomiy masʼuliyatingizga muvofiq Tolibonga qoʻyilgan iqtisodiy va siyosiy cheklovlarni bekor qilish uchun barcha taʼsiringizdan foydalanasiz”.

Tashqi aloqalarga toʻxtalar ekan, Muttaqiy “Tolibon” harakatining tashqi siyosati oʻzaro hurmat va muvozanatli hamkorlik tamoyillariga asoslanishini taʼkidladi.

Muttaqiyning barcha bayonotlari va talablari birorta islom davlati, jumladan, qo‘shnilari ham Tolibon hukumatini tan olmagan bir paytga to‘g‘ri kelmoqda.

Islom Hamkorlik Tashkiloti avvalroq Tolibonni qizlarning oltinchi sinfdan keyin ham oʻqishni davom ettirishi va ayollarning ishlashiga ruxsat berishga chaqirib, bunday taqiqlar diniy asosga ega emasligini taʼkidlagan edi.

Foto: “Karavan info” axborot agentligi hamkorlari