O‘sh shahrining Cheryomushka mikrorayonida Valentina Tereshkova nomidagi 700 o‘quvchiga mo‘ljallangan maktab-internatining yangi binosi qurilishi nihoyasiga yetmoqda. Bu haqda O‘sh shahar hokimligining Kapital qurilish boshqarmasi axborot xizmati xabar berdi.

"Hududda futbol maydoni, hojatxonalar, panjaralar va yong‘inga qarshi gidrant mavjud. Qurilish 20-iyun kuni yakunlanishi rejalashtirilgan", – deydi O‘sh shahar hokimligining Kapital qurilish boshqarmasi nazoratchisi Oqilbek Akayev.

Maktab-internat 700 o‘ringa mo‘ljallangan bo‘lib, shundan 500 tasi talabalar turar joyiga mo‘ljallangan.

Yangi binoda sport zali, sport maydonchalari, dam olish maskani, sanitariya-gigiyena va barcha zamonaviy qulayliklar yaratiladi.