2025-yil 11-sentabr kuni Gonkongda “O‘zbekiston aeroportlari” va Gonkong xalqaro aeroporti o‘rtasida hamkorlik memorandumi imzolandi. Hujjat “Bir kamar, bir yoʻl” sammiti doirasida tuzilgan va Oʻzbekistonning xalqaro transport aloqalarini kengaytirishga qaratilgan muhim kelishuvlardan biriga aylandi.Hamkorlikning asosiy yo'nalishlari:

• O‘zbekiston va Gonkong o‘rtasida to‘g‘ridan-to‘g‘ri reyslarni ochish;
• boshqaruv va operatsion tajriba almashish;
• Gonkong Xalqaro Aviatsiya Akademiyasida (HKIAA) mutaxassislar tayyorlash dasturlari;
• barqaror rivojlanish va yashil aviatsiya sohasida qo'shma tashabbuslar.

“O‘zbekiston aeroportlari” aksiyadorlik jamiyati boshqaruvi raisining ekspluatatsiya bo‘yicha birinchi o‘rinbosari Salohiddin Nasirovning so‘zlariga ko‘ra, kelishuv nafaqat mamlakatimizning jahon aviatsiya tizimiga integratsiyalashuviga yordam beradi, balki yo‘lovchilar oqimining o‘sishi, turizmni rivojlantirish va O‘zbekistonning logistika salohiyatini mustahkamlashga sezilarli turtki beradi.

O‘z navbatida, Gonkong aeroporti bosh direktori Vivian Chang kelishuv yangi yo‘nalishlarni ochib, hududlar o‘rtasidagi reyslar chastotasini oshirishini ta’kidladi. Shuningdek, u o‘qitishning muhimligini ta’kidladi: birgina 2017 yildan beri HKIAA 380 000 dan ortiq mutaxassislarni, jumladan, “Bir kamar, bir yo‘l” tashabbusida ishtirok etuvchi mamlakatlar ishtirokchilarini tayyorladi.