AFG'ONISTON, 2025-yil 30-dekabr – Karavan Info axborot agentligi. O'zbekiston Balx viloyatidagi Hayraton portida mahalliy Tolibon vakillariga 20 ta yuk mashinasida 400 tonna oziq-ovqat, dori-darmon va tibbiy jihozlarni yetkazib berdi.

Balx viloyat maʼmuriyati matbuot xizmati xabar berishicha, 29-dekabr, dushanba kuni Balx viloyatiga 10 turdagi oziq-ovqat mahsulotlari, dori-darmonlar va tibbiy jihozlardan iborat yordam yetkazib berilgan.

Tolibon rasmiylarining aytishicha, gumanitar yordam tarkibiga 96 tonna un, 22 tonna guruch, 20 000 banka konservalangan mol go'shti, 22 tonna shakar, 20 000 litr kungaboqar yog'i, 180 000 banka tayyor ovqat, 40 tonna makaron va 169 tonna turli xil dori-darmonlar va tibbiy jihozlar kirgan.

Yordamni topshirish marosimida Balx hokimi Muhammad Yusuf Vafo, Oʻzbekistonning Afgʻoniston boʻyicha maxsus vakili Ismatulla Irgashov, Oʻzbekistonning Surxondaryo viloyati hokimi Ulugʻbek Qosimov, Balx Qizil Yarim Oy mintaqaviy direktori Mirza Muhammad Xolid va boshqa bir qator viloyat rasmiylari ishtirok etishdi.

Balxdagi mahalliy rasmiylar gumanitar yordam viloyatdagi muhtoj oilalar va sog'liqni saqlash markazlariga tarqatilishini aytishdi.

Surat: Tolo News