“Chegara bilmas muxbirlar” tashkiloti yangi Jahon matbuot erkinligi indeksini e’lon qildi, unda O‘zbekiston 180 davlat orasida 148-o‘rinni egalladi. Mamlakat mumkin bo'lgan 100 balldan 35 ball oldi, bu o'tgan yilgi 37 ball darajasi bilan bir xil va OAV erkinligi sohasida "juda og'ir" vaziyatga ega mamlakatlar toifasida qolmoqda.

Qo‘shni Markaziy Osiyo davlatlari orasida Qozog‘iston 141, Qirg‘iziston 144, Tojikiston 153, Turkmaniston 174-o‘rinni egallagan. Afg‘oniston 175-o‘rinni egalladi. Rossiya yangi reytingda 171-oʻringa, Xitoy esa 178-oʻringa tushib ketdi.

Reyting yetakchilari Norvegiya, Estoniya va Niderlandiya bo‘lgan bo‘lsa, Shimoliy Koreya va Eritreya ro‘yxatning eng quyi pog‘onasidan joy olgan.

“Chegara bilmas muxbirlar” tashkiloti hisobotida jurnalistlar faoliyatiga to‘siqlar ortib borayotgan global tendentsiya qayd etilgan. 180 ta davlat va hududdan 90 tasida ommaviy axborot vositalari erkinligi bilan bog‘liq vaziyat “qiyin” yoki “juda og‘ir” deb baholanadi. Bunga ta’sir etuvchi asosiy omillar qatoriga xavfsizlik vaziyatidagi beqarorlik, avtoritar rejimlarning kuchayishi va ommaviy axborot vositalariga iqtisodiy bosim kiradi.