O‘zbekiston prezidenti Shavkat Mirziyoyevning to‘ng‘ich qizi Saida Mirziyoyeva Prezident Administratsiyasi rahbari etib tayinlandi. Bu haqda davlat rahbari matbuot kotibi Sherzod Asadov xabar berdi.

Yangi lavozim prezident farmoni bilan tashkil etildi. Bungacha Saida Mirziyoyeva 2023-yil avgustidan prezident yordamchisi, 2022-yil noyabridan esa maʼmuriyat ijro apparatida aloqa va axborotlashtirish siyosati sektorini boshqargan edi.

Saida Mirziyoyeva kim?Saida Mirziyoyeva 1984-yil 4-noyabrda Qo‘qon shahrida tug‘ilgan. U Shavkat Mirziyoyev va Ziroatxon Hoshimovaning to‘ng‘ich qizi bo‘lib, sho‘roning yuqori martabali amaldori oilasidan chiqqan. Saidaning Shaxnoza ismli singlisi va 2009-yilda tug‘ilgan Miralisher ismli ukasi bor.

Ta'lim va ilmiy faoliyatSaida Mirziyoyeva Jahon iqtisodiyoti va diplomatiya universitetining xalqaro huquq fakultetini tamomlagan. So‘ngra Toshkent davlat yuridik universitetining huquqshunoslik fakulteti (2008), 2010 yilda esa Lomonosov nomidagi Moskva davlat universitetining iqtisod fakulteti magistri darajasini oldi.

2021 yilda akademik Vladimir Kvint rahbarligida mintaqaviy rivojlanish strategiyalari mavzusida iqtisod fanlari nomzodi dissertatsiyasini himoya qildi. Strategik rejalashtirish, barqaror rivojlanish va global tendentsiyalarning davlat siyosatiga ta'sirini baholash bo'yicha ilmiy nashrlar muallifi.