O‘zbekiston Qishloq xo‘jaligi vazirligi Rossiyaning Uzoq Sharq baliqchilik havzasida mintay va seld ovlash uchun kvota ajratilganini ma’lum qildi. Kelishuv O‘zbekiston qishloq xo‘jaligi vaziri o‘rinbosari Qahramon Yo‘ldoshev bilan Rossiya Federatsiyasi baliqchilik agentligi rahbari o‘rinbosari Andrey Yakovlev o‘rtasidagi muzokaralar davomida erishildi.

2025-yilda O‘zbekistonga Rossiyaning iqtisodiy zonasida — Chukotka, Bering va Oxot dengizlari, shuningdek, Yapon dengizi va Tinch okeanida 20 ming tonna mintay va 5 ming tonna seld ovlashga ruxsat beriladi.

Bundan tashqari, tomonlar baliqchilik sohasida qo‘shma tadqiqotlar o‘tkazish va dasturlarni amalga oshirish bo‘yicha kelishib oldilar.