MARKAZIY OSIYO, 2026-yil 1-mart – Karavan Info axborot agentligi. Oʻzbekiston tashqi ishlar vaziri Baxtiyor Saidov Pokiston tashqi ishlar vaziri Ishoq Dar bilan telefon orqali suhbatda Afgʻoniston va Pokiston oʻrtasidagi mavjud vaziyatni muhokama qildi va ikkala tomonni ham vazminlikka chaqirdi.

Saidov ijtimoiy tarmoqdagi sahifasida Afgʻoniston va Pokiston oʻrtasidagi davom etayotgan mojaro boʻyicha Pokiston Tashqi ishlar vazirligi rahbari bilan telefon orqali suhbatlashganini maʼlum qildi.

U qo'shimcha qildi:

"Men ikkala tomonni ham sabr-toqat va vazminlikka chaqirdim. O'zbekiston muammolarni hal qilish uchun doimiy muloqot va muzokaralarni davom ettirishni muhim deb biladi va ikkala tomon ham ishonchni mustahkamlash uchun choralar ko'rishi kerak."

Avvalroq Oʻzbekiston tashqi ishlar vaziri Tolibon tashqi ishlar vaziri Amir Xon Muttaqiy bilan ham telefon orqali suhbatlashib, mavjud vaziyatni diplomatik yoʻllar bilan hal qilish zarurligini taʼkidlagan edi.

Surat: kun.uz