O‘zbekiston Respublikasi Oliy ta’lim vazirligi delegatsiyasi Xitoyda bo‘lib o‘tgan «Professional va texnik ta’limni rivojlantirish bo‘yicha Butunjahon konferensiyasi‘da ishtirok etdi. Tadbirda 40 dan ortiq davlatdan vakillar ishtirok etdi.

Konferensiyada O‘zbekiston delegatsiyasi “yashil” ko‘nikmalarni shakllantirish, ta’lim va ishlab chiqarish integratsiyasi, malakali pedagoglarni jalb qilish, shuningdek, ayollar va nogironligi bo‘lgan shaxslar uchun teng sharoitlar yaratish bo‘yicha takliflar bilan chiqdi. Tadbir yakunida Tyan-Szin konsensusi imzolandi, unda O‘zbekiston professional ta’limni rivojlantirish bo‘yicha o‘z majburiyatlarini tasdiqladi.

Tashrif doirasida delegatsiya Xitoyning oliy ta’lim muassasalari, jumladan, Tyanszin dengiz kolleji va Xanchjou Dyanszi universiteti bilan uchrashuvlar o‘tkazdi. Qo‘shma dasturlar, yosh olimlar uchun stajirovkalar va ilmiy tadqiqotlar o‘tkazish bo‘yicha kelishuvlarga erishildi.

Bundan tashqari, 2024-yilda O‘zbekiston-Xitoy professional ta’lim forumini o‘tkazish, O‘zbekiston professional ta’lim muassasalarida Xitoy tajribasini joriy etish va Xitoyning yetakchi universitetlari filiallarini ochish rejalari muhokama qilindi. Jizzax viloyatidagi “BYD” zavodi uchun mutaxassislar tayyorlash masalalariga alohida e’tibor qaratildi.

Tashrif “Huawei” va “BYD” kompaniyalariga tashrif buyurish bilan yakunlandi, u yerda AKT akademiyalarini rivojlantirish, talabalar va o‘qituvchilar uchun laboratoriyalar yaratish va stajirovkalar o‘tkazish bo‘yicha loyihalar muhokama qilindi.