Riga shahrida O‘zbekiston tashqi ishlar vaziri o‘rinbosari Olimjon Abdullayev Latviya tashqi ishlar vazirligi rahbari Bayba Braje va tashqi ishlar vazirligi direktorati bosh direktori Agnes Kalninja bilan uchrashdi.

Muzokaralarda asosiy e’tibor migratsiya sohasidagi hamkorlik masalalariga, jumladan, Migratsiya to‘g‘risidagi bitimni ishlab chiqish va imzolashga qaratildi. Hujjatda O‘zbekiston fuqarolari uchun viza tartibini soddalashtirish choralari ko‘zda tutilmoqda.

Tomonlar mehnat migratsiyasi sohasida faol muloqot yuritish zarurligini ta’kidladilar va muntazam maslahatlashuvlar o‘tkazishga kelishib oldilar. Latviya tomoni O‘zbekistonning Markaziy Osiyodagi asosiy hamkor sifatidagi ahamiyatini qayd etib, ikki tomonlama hamkorlik istiqbollariga ishonch bildirdi.

Muzokaralar yakunida joriy yilda ikki mamlakat Tashqi ishlar vazirliklarining tegishli bo‘linmalari o‘rtasida konsullik maslahatlashuvlarini o‘tkazishga kelishib olindi.