O‘zbekiston va Rossiya Termiz-Mozori Sharif-Kobul-Peshovar temir yo‘lining bir qismiga aylanib, Janubi-Sharqiy Osiyo, MDH davlatlari, Xitoy va Yevropa o‘rtasida yangi eng qisqa tranzit yo‘laklarini yaratuvchi Transafg‘on temir yo‘lini loyihalash bo‘yicha sa’y-harakatlarni birlashtiradi. Bu haqda Rossiyaning O‘zbekistondagi savdo vakolatxonasi matbuot xizmati xabar berdi. Loyihaning amalga oshirilishi yuk tashish vaqti va narxini 30-40 foizga qisqartirishi kutilmoqda. O‘zbekiston-Afg‘oniston-Pokiston yo‘nalishi Shimoliy-Janub yo‘nalishining bir qismiga aylanadi, bu esa Suvaysh kanali orqali o‘tadigan yo‘nalishdan 30 foizga arzonroq va 40 foizga qisqaroq bo‘ladi.