Toshkentda 3-fevral kuni O‘zbekiston Prezidentining Afg‘oniston bo‘yicha maxsus vakili Ismatulla Irgashev Shveysariyaning Favqulodda va Muxtor elchisi Konstantin Obolenskiy bilan uchrashdi.

Tomonlar Afg‘onistondagi joriy vaziyat yuzasidan fikr almashib, insonparvarlik inqirozining oldini olish va bu yo‘nalishdagi xalqaro sa’y-harakatlar masalalariga to‘xtaldilar.

Mintaqada barqaror rivojlanishning asosiy omili hisoblangan suv resurslaridan oqilona foydalanish sohasidagi hamkorlikka alohida e’tibor qaratildi. Ikki tomon Afg‘oniston mavzusi bo‘yicha ikki tomonlama maslahatlashuvlarni davom ettirishdan manfaatdor ekanliklarini bildirib, kelgusidagi hamkorlikka tayyorliklarini tasdiqladi.