O‘zbekiston 25—27-iyun kunlari Xanti-Mansiysk shahrida bo‘lib o‘tadigan BRIKS va ShHT mamlakatlari vakillari bilan XVI Xalqaro IT-forumda ishtirok etadi.Tadbirda 30 davlatdan 3000 dan ortiq ishtirokchi qatnashishi kutilmoqda. Unda O‘zbekiston delegatsiyasini raqamli rivojlanish vaziri o‘rinbosari taqdim etadi. Forum iqtisodiyot, tibbiyot, taʼlim, shuningdek, raqamli texnologiyalar va kiberxavfsizlikni rivojlantirishning turli sohalarida sunʼiy intellektni joriy etishning dolzarb masalalarini muhokama qilish maydoniga aylanadi. Dastur 50 dan ortiq tadbirlarni, jumladan, xalqaro konferensiyalar, strategik sessiyalar va dunyoning yetakchi til modellari o‘rtasidagi noyob shou – “Zakovatlar jangi”ni o‘z ichiga oladi. BRIKS va ShHT davlatlari bilan raqamli hamkorlik masalalariga alohida e’tibor qaratiladi. Forumda O‘zbekistondan tashqari Zimbabve, Qirg‘iziston, Nikaragua delegatsiyalari, shuningdek, Angola va Syerra-Leone elchixonalari vakillari ishtirok etadi. “Raqamli texnologiyalar hamma uchun” ko‘rgazmasida ishtirokchilar yetakchi Rossiya va xalqaro kompaniyalarning innovatsiyalari bilan tanishishlari, o‘zlarini dron-uchuvchi sifatida sinab ko‘rishlari, sun’iy intellekt yordamida kontent yaratish ko‘nikmalarini egallashlari va o‘zlarining raqamli loyihasini yaratishlari mumkin bo‘ladi.