Raqobatni rivojlantirish va iste’molchilar huquqlarini himoya qilish qo‘mitasi O‘zbekistonda bukmekerlik xizmatlarini targ‘ib qiluvchi 30 ga yaqin veb-saytning to‘silganini ma’lum qildi.

Internet resurslarining reklama to‘g‘risidagi qonun hujjatlariga muvofiqligini tekshirish jarayonida bukmekerlik faoliyati bilan bog‘liq reklamalarni joylashtiradigan 42 ta sayt aniqlandi. Qo‘mita mazkur saytlarni to‘sish bo‘yicha takliflarni O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligiga yubordi.

Ushbu chora internet-reklama sohasida qonun buzilishlarining oldini olish va nazoratni kuchaytirishga qaratilgan.