O‘zbekistonda 1 maydan boshlab hukumat tomonidan tasdiqlangan elektromobillar uchun utilizatsiya yig‘imining oshirilishi kuchga kiradi. Yig‘im miqdori avtomobilning ishlab chiqarilgan yiliga qarab 45 million so‘mdan 78,75 million so‘mgacha bo‘ladi.

Qarorga ko‘ra, uch yilgacha bo‘lgan elektromobillar uchun utilizatsiya yig‘imi miqdori to‘rt barobarga — bazaviy hisoblash miqdorining 30 baravaridan 120 baravarigacha, ya’ni 45 million so‘mga oshiriladi. Uch yildan ortiq ishlatilgan avtomobillar uchun yig‘im 2,3 barobarga — bazaviy hisoblash miqdorining 90 baravaridan 210 baravarigacha (78,75 million so‘m) ko‘paytiriladi.

O‘zgarishlarning tashabbuskorlari Investitsiyalar, sanoat va savdo vazirligi, Iqtisodiyot va moliya vazirligi hamda Ekologiya, atrof-muhitni muhofaza qilish va iqlim o‘zgarishi vazirligi bo‘ldi.