Oʻzbekiston Vazirlar Mahkamasi Haj va Umra tadbirlarini tashkil etish tizimini raqamlashtirish va takomillashtirishga qaratilgan qaror qabul qildi.

Hujjatga ko'ra, mamlakatda "Haj va Umra uchun yagona portal" ishga tushirildi. Bundan buyon ziyorat qilishni niyat qilgan fuqarolar faqat ushbu portal orqali ro'yxatdan o'tishlari shart.

Yangi protsedura bosqichma-bosqich kuchga kiradi:

• 2026-yil 1-fevraldan boshlab – Haj safarlariga borish uchun;
• 2026-yil 1-maydan – Umra safarlari uchun.

Ta'kidlanishicha, ziyoratchilarning ma'lumotlari portalga kiritilmasdan, sayohatlarni tashkil qilishga ruxsat berilmaydi.