Osiyo Olimpiya Kengashining 46-Bosh Assambleyasini 2026-yilda Toshkentda o‘tkazish to‘g‘risidagi qaror OOKning 45-Bosh assambleyasida bir ovozdan qabul qilindi. OCA Bosh direktori Husayn Al Musalomning taklifi O‘zbekistonning sport va Olimpiya harakatini rivojlantirishga qo‘shgan hissasi e’tirof etilishini ta’kidlaydi.

Bosh Assambleya OCA ning oliy boshqaruv organi bo‘lib, unda Osiyoning 45 mamlakati Milliy olimpiya qo‘mitalari vakillari ishtirok etadi. Assambleyada qit’ada sportni rivojlantirishning asosiy masalalari, sport siyosati va istiqbolli yo‘nalishlari muhokama qilinadi.

Osiyo Olimpiya Kengashining (OOK) 46-Bosh assambleyasi 2026-yilda Toshkentda bo‘lib o‘tadi.

O‘zbekiston birinchi marta bunday muhim tadbirga mezbonlik qiladi. Avvalroq, 2022-yilda Toshkentda OCA Ijroiya qo‘mitasining yig‘ilishi muvaffaqiyatli o‘tkazilgan edi.