O‘zbekiston Prezidenti Shavkat Mirziyoyev 3-fevral kuni transport infratuzilmasini rivojlantirish bo‘yicha hisobot bilan tanishdi. Unda yo‘llar qurilishi va logistikani takomillashtirish bo‘yicha keng ko‘lamli loyihalar taqdim etilgan.

Asosiy loyihalardan biri Jahon banki ko‘magida ishlab chiqilgan 314 kilometrlik “Toshkent-Andijon” tezkor avtomobil yo‘lini qurishdir. Yangi magistralning ishga tushirilishi ikki shahar o‘rtasidagi yo‘l vaqtini besh soatdan uch soatgacha qisqartirish, mamlakatning yalpi ichki mahsulotini 2,6 foizga oshirish va yo‘l-transport hodisalarini 40 foizga kamaytirish imkonini beradi. Loyihani amalga oshirish uchun e’lon qilingan xalqaro tender allaqachon yetakchi xorijiy kompaniyalarning e’tiborini tortgan.

Yig‘ilishda gavjum yo‘nalishlarda muqobil magistrallar qurish, yo‘llar sifatini yaxshilash va avtomagistrallarda pullik xizmatlarni rivojlantirish bo‘yicha takliflar ham muhokama qilindi. Bundan tashqari, prezidentga Birlashgan Arab Amirliklarining AD Ports Group kompaniyasi bilan hamkorlikda Navoiy viloyatida quruq port barpo etish loyihasi taqdim etildi.