Jahongir Mustafoyev “O‘zkimyosanoat” AJ boshqaruv raisi birinchi o‘rinbosari lavozimini egalladi. U moliya, iqtisodiyot va transformatsiya masalalarini nazorat qiladi.

Mustafoyev bu lavozimga tayinlanishidan oldin “Qo‘ng‘irot soda zavodi” QK MChJni boshqargan, undan avval esa bank-moliya sohasida rahbarlik lavozimlarida faoliyat yuritgan.

U ko‘p yillik kasbiy faoliyati davomida boshqaruv va iqtisodiy rejalashtirish bo‘yicha katta tajriba to‘plagan. Bu tajriba kompaniya faoliyatida yangi tashabbuslarni amalga oshirishda muhim manba bo‘ladi.