O‘zbekiston Milliy tibbiyot markazida oftalmologiya sohasida sun’iy intellekt asosida ishlovchi Navilas 577 nm robot-lazer tizimi ishga tushirildi. Ushbu tizim retinal kasalliklarni davolashda bemorlar uchun samaradorlik, xavfsizlik va qulaylikni oshirish uchun mo'ljallangan. Navilas 577 nm – kontaktsiz (invaziv bo'lmagan) usulda ishlaydigan va yuqori aniqlikka ega bo'lgan noyob tizim. Asosiy xususiyati shundaki, u sun’iy intellekt yordamida ko‘zdagi shikastlangan to‘qimalarni avtomatik tarzda aniqlaydi va lazer impulslarini faqat shu sohalarga yo‘naltiradi. Bu shifokorning aralashuvini minimallashtiradi va inson xatosi ehtimolini deyarli yo'q qiladi. Innovatsion tizim bemorning ko‘ziga to‘g‘ridan-to‘g‘ri tegmasdan juda aniq davolash imkonini beradi. Ushbu kasalliklardan aziyat chekadigan odamlar davolanishdan keyin tezda kundalik hayotlariga qaytishlari mumkin.Navilas 577 nm bilan quyidagi kasalliklarni davolash mumkin:• Retinaning diabetik retinopatiyasi; • Retinaning gipertonik retinopatiyasi; • Post-trombotik retinopatiya; • Retinada periferik distrofik o'zgarishlar; • Surunkali seroz xorioretinit; • qandli makula shishi; • Glaukoma. Aytish joizki, yangi tizim yuqorida qayd etilgan kasalliklardan aziyat chekayotgan bemorlar uchun og‘riqsiz va xavfsiz yechim sifatida o‘z samarasini amalda isbotladi.