O‘zbekiston va Ozarbayjon turizm sohasida hamkorlikni mustahkamlamoqda: Chorvoq suv ombori qirg‘og‘ida Sea Breeze Uzbekistan sayyohlik klasteri qurilishi boshlanadi. Loyiha Ozarbayjon tomoni ishtirokida amalga oshiriladi va 600 gektarga yaqin maydonni egallaydi. Loyihaning ishga tushirilishi haqida Ozarbayjon Eksport va investitsiyalarni qo‘llab-quvvatlash agentligi (AZPROMO) ijrochi direktori Yusif Abdullayev IV Toshkent xalqaro investitsiya forumidagi panel muhokamasi chog‘ida ma’lum qildi. Unga ko‘ra, turizm majmuasining bosh rejasi joriy yilning aprel oyidayoq Prezident Shavkat Mirziyoyevga taqdim etilgan edi. “Sea Breeze Uzbekistan” loyihasi mamlakatimizning eng mashhur dam olish maskanlaridan biri qirg‘og‘ida zamonaviy infratuzilmaga ega yangi sayyohlik maskaniga aylanadi. Bundan tashqari, Agalarov Development kompaniyasi Toshkent shahrida elita turar-joy majmuasini qurishni boshlagan. Ozarbayjon tomonining boshqa tashabbuslari qatorida O‘zbekiston poytaxtida Ritz-Carlton mehmonxonasi qurilishi ham bor. Hozirda bu boradagi ishlar olib borilmoqda, loyihaga kiritilgan investitsiyalar hajmi qariyb 200 million dollarni tashkil etadi.

«Ishonchimiz komilki, bu tashabbuslar O‘zbekistonda turizm va turar-joy infratuzilmasi rivojlanishining harakatlantiruvchi kuchiga aylanadi.– dedi Abdullaev.

O‘zbekiston va Ozarbayjon o‘rtasidagi hamkorlik yangi bosqichga ko‘tarilmoqda. Bunday loyihalarning amalga oshirilishi mintaqaviy sarmoyalar turizm salohiyatini rivojlantirish va mamlakatimizning xalqaro maydondagi jozibadorligini oshirishning asosiy omiliga aylanayotganidan dalolat beradi.