Президент ташаббуси билан Қозоғистонда отчилик ва озуқа ишлаб чиқариш бўйича янги илмий-тадқиқот институти ташкил этилди. Ушбу институтнинг асосий мақсади маҳаллий отчиликни ривожлантириш, отларнинг наслчилик сифатларини яхшилаш ва Қозоғистон зотларини жаҳон бозорига чиқаришдир.

Янги институтда отларнинг маҳсулдорлигини ошириш, турли зотлар бўйича маълумотлар базасини яратиш, шунингдек, малакали мутахассислар тайёрлашга қаратилган илмий тадқиқотлар олиб борилади. Отлар учун ихтисослаштирилган ветеринария клиникасини яратиш ва отчилик соҳасида инновацион технологияларни жорий этиш режалаштирилган.

Институтнинг муҳим вазифаларидан бири келгуси беш йилда наслли отлар сонини 6-7 фоизга кўпайтиришдир. Қостанай, адай, мугалжар ва кушум каби маҳаллий зотларга алоҳида эътибор қаратилади. Ушбу мақсадларга эришиш учун институт хорижий илмий марказлар ва университетлар билан фаол ҳамкорлик қилишни режалаштирмоқда.

Сурат: ҚР Қишлоқ хўжалиги вазирлиги