“Markaziy Osiyo vizyoni” strategiyasi doirasida Pokiston Markaziy Osiyo va Kavkaz mamlakatlari bilan hamkorlikni kuchaytirmoqchi. Pokiston Bosh vaziri Shahboz Sharif fevral oyining ikkinchi yarmida O‘zbekiston va Ozarbayjonga tashrif buyuradi. Unga tashqi ishlar vaziri Muhammad Is’hoq Dor, tadbirkorlar va hukumat a’zolari hamrohlik qiladi.

Hukumat rahbari O‘zbekistonga ikki kunlik tashrifi davomida Karachi portidan tranzit savdosi uchun foydalanish imkoniyatlarini muhokama qilishni va bir qator muhim savdo bitimlarini imzolashni rejalashtirmoqda.

Shahboz Sharif ilgari 2022-yil sentyabr oyida Samarqandda bo‘lib o‘tgan Shanxay hamkorlik tashkiloti sammitida ishtirok etish uchun O‘zbekistonga tashrif buyurgan edi.