2026-yil 23-fevral kuni Jenevada BMT Inson huquqlari kengashi va Qurolsizlanish bo'yicha konferensiyaning yuqori darajadagi segmentlari doirasida Qirg'iziston Respublikasi tashqi ishlar vaziri Jeenbek Kulubayev Indoneziya tashqi ishlar vaziri Sugiono bilan uchrashdi.

Tomonlar Qirgʻiziston-Indoneziya hamkorligining hozirgi holati va istiqbollarini muhokama qilib, siyosiy muloqotni faollashtirish, yuqori darajadagi tashriflarni amalga oshirish, ikki tomonlama aloqalarni mustahkamlash hamda BMT va boshqa xalqaro tashkilotlar doirasidagi hamkorlikning muhimligini taʼkidladilar.

Tomonlar biznes-forumlar oʻtkazish orqali iqtisodiy aloqalarni faollashtirishga kelishib oldilar va Qirgʻiziston Respublikasida halol sanoatini rivojlantirish boʻyicha hamkorlikni yoʻlga qoʻyishdan manfaatdor ekanliklarini bildirdilar.

Uchrashuv yakunida tomonlar koʻp tomonlama va ikki tomonlama munosabatlarni yanada mustahkamlash va amaliy hamkorlikni kengaytirishga oʻzaro tayyor ekanliklarini tasdiqladilar, ikki mamlakat tashqi ishlar vazirliklari oʻrtasidagi hamkorlikni faollashtirish va muntazam siyosiy maslahatlashuvlar mexanizmlarini ishlab chiqish muhimligini taʼkidladilar.

24.02.2026 07:14:15