2025-yilda respublika bo‘yicha g‘alla o‘rim-yig‘imi davom ettirilmoqda.2025-yil 28-iyul holatiga ko‘ra 677,7 ming gektar umumiy g‘alla maydonining 264,3 ming gektari o‘rib olindi, bu 39,0 foizni tashkil etadi. Bu 2024 yilning shu davriga nisbatan 13,3 ming gektarga ko‘pdir.

Asosiy ko'rsatkichlar:

• Bugʻdoy – 247,6 ming gektar maydonning 145,6 ming gektari yigʻib olindi, bu 58,8 foizni tashkil etadi (2024 yilga nisbatan +16,7 ming gektar). Yalpi hosil 286,8 ming tonnani tashkil etdi.
• Arpa – 249,3 ming gektar maydondan 145,6 ming gektar yoki 47,6 foiz hosil yig‘ib olindi (2024 yilga nisbatan 3,4 ming gektar kam). Yalpi hosil 188,7 ming tonnani tashkil etdi.
• Makkajo'xori, dukkakli va boshqa don ekinlari – yig'im-terim ishlari hali boshlanmagan.

Bundan tashqari, O‘sh, Jalolobod va Botken viloyatlarida sabzavot, poliz va kartoshka yig‘im-terimi davom etmoqda. Ayniqsa:

• 6,15 ming gektar maydondan kartoshka – erta navlar yig‘ib olindi, yalpi hosil 96,8 ming tonnani tashkil etdi. O‘rtacha hosildorlik gektariga 158,2 sentnerni tashkil etmoqda. Aytish joizki, 2025-yilda kartoshka ekinlarining umumiy maydoni 64,6 ming gektarni tashkil etadi.
• Poliz ekinlari – 11,74 ming gektar maydondan 3,35 ming gektar o‘rib olindi, yalpi hosil 86,5 ming tonnani tashkil etdi.
• Sabzavot ekinlari – 56,6 ming gektar maydonning 9,2 ming gektari yig‘ib olindi, yalpi hosil 203,2 ming tonnani tashkil etadi.

Texnik ta'minot: hozirda o'rim-yig'im ishlariga 907 ta kombayn jalb etilgan.