Davlat rahbari Maktab o'quvchilari saroyida joylashgan 51-saylov uchastkasida yangi Konstitutsiya loyihasi bo'yicha respublika referendumida ovoz berishda ishtirok etdi. Ovoz berishdan so'ng Prezident mahalliy va xalqaro ommaviy axborot vositalari vakillari uchun brifing o'tkazdi.

Qosim-Jomart Toqayev jurnalistlar oldida soʻzlagan nutqida referendumning mamlakatimizning kelajakdagi rivojlanishi uchun juda muhimligini taʼkidladi.

" Barchangizni tabriklayman, chunki bugun mamlakatimiz uchun taqdirli kun. Konstitutsiya fuqarolarimizning huquq va erkinliklarini kafolatlaydigan chinakam tarixiy hujjatdir va shuning uchun u juda muhim ahamiyatga ega. Yangi Konstitutsiya mamlakatimizning hududiy yaxlitligi, mustaqilligi va suverenitetini tasdiqlaydi. 1995-yilda qabul qilingan Konstitutsiya o'z rolini o'ynadi. Mamlakatimiz ushbu hujjatga 35 yil amal qildi, ammo vaqt o'tib bormoqda. Yangi Asosiy Qonunni qabul qilish vaqti keldi. Men ham uni tayyorlashda faol ishtirok etdim, shaxsan Konstitutsiyaga kirish so'zining matnini va boshqa bir qator qoidalarni taklif qildim. Ishonchim komilki, yangi Asosiy Qonun mamlakat va uning kelajagiga xizmat qiladi", dedi Davlat rahbari.

Shundan so'ng Prezident konstitutsiyaviy islohotning asosiy maqsad va vazifalari, shuningdek, xalqaro kun tartibiga oid bir qator savollarga javob berdi.

Manba: IA XABAR