Ostona, 2025-yil 28-may – Karavan Info axborot agentligi.Ostona shahrida Qozog‘iston Respublikasi tashqi ishlar vazirining birinchi o‘rinbosari Akan Raxmetullin va BMT Bosh kotibining Afg‘oniston bo‘yicha maxsus vakili – BMTning Afg‘onistonga yordam ko‘rsatish missiyasi (UNAMA) rahbari Roza Otunbayeva o‘rtasida uchrashuv bo‘lib o‘tdi.

Otunbayeva Qozog‘istonga 2025-yil 29-30-may kunlari bo‘lib o‘tadigan Ostona xalqaro forumida ishtirok etish uchun keldi.Uchrashuvda Birlashgan Millatlar Tashkilotining Narkotiklar va jinoyatchilik bo‘yicha boshqarmasining Afg‘oniston, Markaziy Osiyo, Eron va Pokiston bo‘yicha mintaqaviy vakili Oliver Stolpe ham ishtirok etdi.

Tomonlar Afgʻonistonda barqarorlik va barqaror rivojlanishni taʼminlashda Qozogʻistonning UNAMA va UNODC bilan oʻzaro hamkorligiga oid keng koʻlamli masalalarni muhokama qildilar. Sog‘liqni saqlash, ta’lim, infratuzilma, bandlik kabi sohalarga e’tibor qaratildi.

Shuningdek, Olmaotada BMTning Markaziy Osiyo va Afg‘oniston uchun Barqaror rivojlanish maqsadlari bo‘yicha mintaqaviy markazi ochilishi kontekstida ham salohiyatli qo‘shma loyihalar ko‘rib chiqildi.

Qozog‘iston Afg‘onistonga insonparvarlik yordamini izchillik bilan ko‘rsatayotgani alohida ta’kidlandi. Ushbu yordam oziq-ovqat, zaruriy anjomlar va dori-darmonlar bilan ta'minlash, shuningdek, ta'lim sohasidagi tashabbuslarni qo'llab-quvvatlashni o'z ichiga oladi.

Surat:Qozog‘iston Respublikasi TIV