Xitoy, 2025-yil 31-avgust – Karavan Info axborot agentligi.Bir kun avval Qozog‘iston prezidenti Qosim-Jo‘mart To‘qayev, Ozarbayjon rahbari Ilhom Aliyev, Pokiston Bosh vaziri Shahboz Sharif va Belarus prezidenti Aleksandr Lukashenko Shanxay hamkorlik tashkiloti sammitida ishtirok etish uchun Tyantszinga yetib keldi.

Sammit doirasida ikki tomonlama muzokaralar, strategik sheriklik, mintaqaviy barqarorlik va xalqaro xavfsizlik masalalari muhokama qilinadi.

XXR raisi Si Szinpin Qosim-Jomart Toqayev bilan uchrashib, ikki davlat o‘rtasidagi hamkorlikni chuqurlashtirish imkoniyatlarini ta’kidladi. Tyanszin aeroportida Aliyevni faxriy qorovul kutib oldi.

Bundan tashqari, sammitda Rossiya prezidenti Vladimir Putin, 20 dan ortiq davlat rahbarlari va 10 ta xalqaro tashkilot rahbarlari ishtirok etadi.

Foto: Ochiq manbalar