Rossiya ta’lim akademiyasi vitse-prezidenti, Rossiya Fanlar akademiyasi akademigi Gennadiy Onishchenko Qirg‘izistonda yadro tibbiyoti bo‘limining ochilishini respublika sog‘liqni saqlash tizimidagi muhim qadam sifatida baholadi. Uning fikricha, bu voqea mamlakatning tibbiy imkoniyatlarini yanada kengaytirish uchun poydevor bo‘lishi mumkin.

Qirg‘izistondagi bo‘lim faoliyat ko‘rsatadigan Milliy onkologiya markazi “Rosatom” korporatsiyasi ishtirokida tashkil etilgan. Uning ishga tushirilishi haqida ilk bor 2024-yil sentyabrida YEOII davlatlarining bioxavfsizligiga bag‘ishlangan videoko‘prik davomida ma’lum qilingan edi.

Onishchenko bo‘lim to‘laqonli markazga aylantirilganda, ko‘proq bemorlarni davolash va radiofarmpreparatlar turlarini kengaytirish imkoniyati paydo bo‘lishiga ishonch bildirdi. U Qirg‘izistonni ushbu yutuq bilan qutlab, mintaqada yadro tibbiyotini yanada rivojlantirish muhimligini ta’kidladi.