Арманистон Коллектив хавфсизлик шартномаси ташкилотининг (КХШТ) аъзоси бўлиб қолмоқда, аммо аслида ушбу ташкилот ичидаги ҳамкорликдан узоқлашди. Бу ҳақда Россия ташқи ишлар вазирлигининг расмий вакили Мария Захарова маълум қилди, дея хабар беради ТАСС. Захарова Москва КХШТ доирасида Ереван билан тўлақонли ҳамкорликни тиклашга умид қилаётганини таъкидлади.
Аввалроқ, Россия ташқи ишлар вазирлиги республиканинг ташкилот фаолиятидаги фаоллиги пасайганига қарамай, шартнома бўйича Арманистон олдидаги мажбуриятларнинг ўзгармаслигини қайд этган эди. Россия ташқи ишлар вазирлигининг МДҲ биринчи департаменти директори Mикаэль Агасандян Арманистон расмийларининг бундай қадами арман халқининг манфаатларига зид келишини ва мамлакат миллий хавфсизлигини заифлаштириши мумкинлигини таъкидлади.
Бунгача Арманистон Қирғизистонда бўлиб ўтган КХШТ машғулотларида қатнашишдан бош тортган ва бу республиканинг ташкилот ичидаги кейинги ҳамкорлиги ҳақида қўшимча ташвиш туғдирган.
Сурат: Sergey Petrov / News.ru / Globallookpress.com