AFG'ONISTON, 2026-yil 31-mart – Karavan Info axborot agentligi. Afg'onistondagi Rossiya savdo markazi mamlakat rasmiylari Rossiyadan yiliga ikki million tonnagacha yoqilg'i import qilishni rejalashtirayotganini xabar qildi.

Rossiya ommaviy axborot vositalarining xabar berishicha, markaz vakillari yaqinda Qozon shahrida neft mahsulotlari yetkazib berish bo'yicha uzoq muddatli shartnoma imzolanishi kutilayotganini ma'lum qilishdi. Amaldagi shartnomalar uch oydan olti oygacha muddatga tuzilgan, keyinchalik uzaytirish imkoniyati mavjud.

Ta'kidlanishicha, uzoq muddatli kelishuv 2026-yilda Qozon xalqaro iqtisodiy forumi doirasida imzolanishi rejalashtirilgan.

Rossiya prezidentining Afgʻoniston boʻyicha maxsus vakili Zamir Kabulov avvalroq Afgʻoniston Rossiya energiya resurslarini sotib olishdan manfaatdor ekanligini va bu mamlakatga energiya eksporti masalasi muzokaralar kun tartibiga kiritilganini maʼlum qilgan edi.

Surat: RIA Novosti Qrim