Qirg‘iziston Respublikasi Prezidenti Sadir Japarov Xonkendi shahrida bo‘lib o‘tadigan Iqtisodiy hamkorlik tashkilotining (EKO) 17-sammitida ishtirok etish uchun 3-4 iyul kunlari Ozarbayjon Respublikasiga amaliy tashrif bilan boradi. Bu haqda Qirg‘iziston prezidenti ma’muriyati tashqi siyosat bo‘limi mudiri Sag‘inbek Abdumutalip ma’lum qildi.

“Sammitning mavzusi “Barqaror va iqlimga chidamli kelajak uchun EKOga yangi qarash”.

Sammitda tashkilotga aʼzo davlatlar – Afgʻoniston, Ozarbayjon Respublikasi, Eron Islom Respublikasi, Pokiston Islom Respublikasi, Qirgʻiziston Respublikasi, Qozogʻiston Respublikasi, Tojikiston Respublikasi, Oʻzbekiston Respublikasi, Turkiya Respublikasi va Turkmanistonning davlat va hukumat rahbarlari ishtirok etadi.

Tomonlar Tashkilot kun tartibidagi dolzarb masalalarni, jumladan, iqlim oʻzgarishining oldini olish boʻyicha aʼzo davlatlar tomonidan koʻrilayotgan chora-tadbirlarni muhokama qiladilar.

Ishchi tashrif davomida Ozarbayjon Respublikasining Agdam viloyatida Qirgʻiziston tomoni tomonidan qurilgan “Aykol Manas” maktabining rasmiy ochilish marosimi ham boʻlib oʻtadi”, – dedi Sagʻinbek Abdumutalip.