Bugun, 17-may kuni Qirg‘iziston Prezidenti Sadir Japarov va Qozog‘iston Prezidenti Qosim-Jomart Tokayev o‘rtasida telefon orqali muloqot bo‘lib o‘tdi.

Suhbat chog‘ida Sadir Japarov Qosim-Jomart Tokayevni tug‘ilgan kuni bilan tabriklab, unga mustahkam sog‘lik, farovonlik va Qozog‘iston xalqi farovonligi yo‘lidagi davlat faoliyatida kelgusida muvaffaqiyatlar tiladi.

Davlat rahbarlari mamlakatlarimiz o‘rtasidagi ittifoqchilik va strategik sheriklik munosabatlarini yanada mustahkamlashga tayyor ekanliklarini tasdiqlab, tomonlarni qiziqtirgan barcha masalalar bo‘yicha ikki tomonlama hamkorlik yuksak darajada ekanini qayd etdilar.