Bugun, 31-avgust kuni Qirg‘iziston Respublikasi Prezidenti Sadir Japarov Xitoy Xalq Respublikasi Raisi Si Szinpinning taklifiga binoan amaliy tashrif bilan Tyantszin shahriga keldi.

Davlatimiz rahbarining samolyoti Binxay xalqaro aeroportiga qo‘ndi.

Aeroportda davlat bayroqlari osilgan, qizil gilam yoyilgan, faxriy qorovul saf tortgan.

Prezident Sadir Japarovni Xitoy Xalq Respublikasi Fan va texnologiyalar vaziri In Xechjun va boshqa rasmiy shaxslar kutib oldi.

Tashrif doirasida davlatimiz rahbari Shanxay hamkorlik tashkilotiga aʼzo davlatlar Davlat rahbarlari kengashining navbatdagi majlisida, shuningdek, Ikkinchi jahon urushidagi Gʻalabaning 80 yilligiga bagʻishlangan tantanali tadbirlarda ishtirok etadi. Xitoy Xalq Respublikasi Raisi Si Szinpin bilan ham uchrashuv bo‘lib o‘tadi.