Samarqand viloyatida O‘zbekiston Prezidentining topshiriqlari bajarilishi va ijro intizomiga rioya etilishi bo‘yicha tekshiruv o‘tkazildi. Monitoring natijalari yuzasidan viloyat hokimligida Prezident Administratsiyasi huzuridagi Nazorat inspeksiyasi vakillari ishtirokida uchrashuv bo‘lib o‘tdi.

Yig‘ilishda turli soha va hududlarga oid topshiriqlar bajarilishida yo‘l qo‘yilgan xato va kamchiliklar haqida ma’lumot berildi. Mutaxassislar kechikishlarga aniq misollar keltirib, yuzaga kelgan muammolarning sabablarini ko‘rsatib o‘tdilar. Bunga javoban viloyat rahbari mas’ul shaxslar ustidan nazoratni kuchaytirish bo‘yicha ko‘rsatmalar berib, barcha vazifalar belgilangan muddatlarda so‘zsiz bajarilishini qat’iy talab qildi.

Muhokamalar davomida Pastdarg‘om va Urgut tumanlari hamda Kattaqo‘rg‘on shahridan bir qator mas’ul shaxslarga berilgan topshiriqlarni o‘z vaqtida bajarmaganliklari uchun qat’iy ogohlantirishlar e’lon qilindi.