Oliy Majlis Senati raisi Tanzila Narbayeva Malayziya parlamenti Senati raisining o’rinbosari Nur Jazlan Muhammad bilan uchrashuv o’tkazdi. Uchrashuvda O’zbekiston va Malayziya o’rtasidagi munosabatlar so’nggi yillarda ikki mamlakat rahbarlarining sa’y-harakatlari tufayli sezilarli darajada mustahkamlanib, hamkorlik yangi darajada rivojlanib borayotgani ta’kidlandi.

Malayziyalik mehmon O’zbekistonda amalga oshirilgan islohotlar investitsiya muhitiga ijobiy ta’sir ko’rsatib, mamlakatni xorijiy investorlar uchun yanada jozibador qilishini ta’kidladi. Suhbat davomida tomonlar parlamentning o’zaro hamkorligiga oid masalalarni muhokama qildilar va ikki mamlakat parlamentlari o’rtasidagi hamkorlikni mustahkamlash uchun istiqbolli yo’nalishlarni belgilab oldilar.

Shuningdek, Islom sivilizatsiyasini o’rganish va rivojlantirishga bag’ishlangan qo’shma ilmiy-tadqiqot loyihalari masalasi ham ko’tarildi.

Muloqot davomida turizm va savdo-iqtisodiy hamkorlik sohasidagi hamkorlikni kengaytirish, shuningdek, O’zbekiston va Malayziya xalqlari o’rtasidagi aloqalarni mustahkamlashga yordam beradigan madaniy tadbirlarni o’tkazish to’g’risida kelishuvga erishildi.