“O‘zbekiston-Xitoy” forumi doirasida Samarqand viloyati hokimi vazifasini bajaruvchi Adiz Boboyev Xitoyning Shandun provinsiyasi gubernator o‘rinbosari Sun Junji boshchiligidagi delegatsiya bilan uchrashuv o‘tkazdi.

Tomonlar asosiy tarmoqlar: qishloq xo‘jaligi, farmatsevtika, qurilish va to‘qimachilik sanoatida hamkorlikni chuqurlashtirish yo‘llarini belgilab oldilar.

Adiz Boboev Samarqand va Shandun oʻrtasida kasbiy taʼlim markazi tashkil etish, mutaxassislar almashinuv dasturlarini yoʻlga qoʻyish taklifini bildirdi.
Samarqandda Shandun madaniyati kunlarini o‘tkazish, universitetlar o‘rtasida talabalar almashinuvini yo‘lga qo‘yish masalalari ham muhokama qilindi.

Sun Junji O‘zbekiston bugungi kunda islohotlar va investorlar uchun ochiq imkoniyatlar mamlakati ekanini alohida ta’kidladi. Uchrashuv yakunida tomonlar hamkorlik memorandumi va boshqa qator hujjatlarni imzoladilar.