O‘zbekiston Prezidenti Shavkat Mirziyoyev aholi va xususiy biznes muammolarini hal etishda dangasalik va mas’uliyatsizlik ko‘rsatgani uchun iqtisodiyot sohasidagi 297 nafar amaldorning ishdan bo‘shatilganini ma’lum qildi.

Bu ma’lumot mahallalarda kambag‘allikni qisqartirish masalalariga bag‘ishlangan yig‘ilishda aytib o‘tildi.

Davlatimiz rahbari ta’kidlaganidek, ishdan bo‘shatilganlar o‘rniga zamonaviy fikrlaydigan, fuqarolar turmush tarzini yaxshilash uchun yangi g‘oyalarni joriy etishga va aniq natijalarga erishishga tayyor bo‘lgan yosh mutaxassislar tayinlandi.

Prezident, shuningdek, amaldorlarning faoliyati qat’iy nazorat ostida bo‘lishini ta’kidladi. U mahallalarga shaxsan borib, aholi va tadbirkorlarning muammolarini tezkorlik bilan hal qilmaydigan xodimlar ishdan bo‘shatilishini ogohlantirdi.