Dushanbe, 26 may – “Karavan info” IA.Tojikiston Respublikasi hukumati huzuridagi bojxona xizmati xodimlari Alisher Navoiy nomidagi davlat madaniyat va istirohat bog‘ida bo‘lib o‘tgan “Tojikcha kiyin!” deb nomlangan madaniy tadbirda faol ishtirok etdi.

Tadbir Tojikiston Respublikasi hukumati huzuridagi Xotin-qizlar va oila masalalari qo‘mitasi tashabbusi bilan o‘tkazildi.

Aksiyadan ko‘zlangan maqsad milliy an’analarni ommalashtirish, tojik milliy liboslarini, xususan, atlas, adras, chakan kabi an’anaviy matolarni qayta tiklash, shuningdek, kiyim-kechak madaniyatini yuksaltirish, xorijiy moda yo‘nalishlariga ko‘r-ko‘rona taqlid qilishga qarshi kurashish, milliy o‘zlikni anglashni kuchaytirishdan iborat.

Tashabbus shartlariga ko‘ra, barcha davlat idora va tashkilotlarida xotin-qizlar uch oy davomida o‘z kundalik faoliyatida milliy liboslarda yurishadi.

Bojxona xizmati ushbu aksiyani 1-martdan 31-mayga qadar amalga oshirmoqda.Bu davrda boshqarmaning barcha ayol xodimlari tojik milliy liboslarini kiyib, bu orqali tojik xalqining madaniy merosi va milliy oʻziga xosligini hurmat qilishga urgʻu bermoqda.

FOTO:ochiq manbalardan