Dushanbe, 19 avgust, – Caravan Info axborot agentligi.18 avgust kuni Tojikiston Respublikasi Prezidenti, Millat yetakchisi Emomali Rahmon va Rossiya Federatsiyasi Prezidenti Vladimir Putin o‘rtasida telefon orqali muloqot bo‘lib o‘tdi.

Suhbat chog‘ida ikki davlat rahbarlari xalqaro kun tartibidagi dolzarb masalalar va ikki tomonlama munosabatlarning ayrim jihatlarini atroflicha muhokama qildilar.

Davlat rahbari Rossiya Federatsiyasi va Amerika Qo‘shma Shtatlari prezidentlarining Alyaskadagi uchrashuvi yakunlari jahon maydonidagi keskinlik darajasini pasaytirish va o‘zaro anglashuvni mustahkamlash uchun alohida siyosiy ahamiyatga ega ekanini ta’kidlab, Ukraina inqirozini tinch yo‘l bilan hal qilish jarayonini qo‘llab-quvvatlashini bildirdi.

Suhbat chog‘ida Tojikiston-Rossiya ikki tomonlama hamkorligidagi tomonlarni qiziqtirgan dolzarb masalalar ham ko‘rib chiqildi.

Tomonlar muloqot va aloqalarni yuqori darajada davom ettirishga kelishib oldilar.

FOTO: NIAT “Xovar”