AFG'ONISTON, 2026-yil 19-yanvar – Karavan Info axborot agentligi. Tolibon Mudofaa vazirligining xabar berishicha, harakatning bosh shtab boshlig'i Fasihuddin Fitrat DIMDEX mudofaa ko'rgazmasida ishtirok etish uchun Qatarning Doha shahriga borgan.

Tolibon Mudofaa vazirligi vakili Inoyatulloh Xorazmiyning aytishicha, Fitratning safaridan maqsad mudofaa uskunalari va texnologiyalarini namoyish etishga qaratilgan Doha xalqaro mudofaa ko'rgazmasida (DIMEX) ishtirok etish edi.

Vazirlikning aytishicha, shtab boshlig'i ko'rgazmaga Tolibon qurolli kuchlari nomidan tashrif buyurgan va xorijiy rasmiylar bilan mudofaa masalalari bo'yicha uchrashuvlar o'tkazadi.

DIMDEX – bu Doha xalqaro dengiz mudofaasi ko'rgazmasi va konferensiyasi bo'lib, u har ikki yilda bir marta mudofaa uskunalari, texnologiyalari va materiallarini namoyish etish uchun o'tkaziladi.

Ko'rgazmada turli mamlakatlar va mudofaa kompaniyalari vakillari ishtirok etib, harbiy kemalar, tanklar, samolyotlar, qurol-yarog'lar va boshqa harbiy texnikalarni namoyish etmoqda.

DIMDEX ko'rgazmasining bir bo'limi mudofaa agentliklari mutaxassislari va vakillari mudofaa texnologiyalari va xavfsizlik masalalarini muhokama qiladigan konferensiyaga bag'ishlangan.

Surat: Fasihuddin Fitratning ijtimoiy tarmoqdagi akkauntidan