AFG'ONISTON, 2026-yil 25-mart – Karavan Info axborot agentligi. Afg'oniston suv resurslari va energetika vazirining o'rinbosari Mujib ur-Rahmon Umar Toshkentda bo'lib o'tadigan "Suv haftaligi" xalqaro forumida ishtirok etish uchun O'zbekistonga tashrif buyurdi.

Forum suv resurslaridan barqaror foydalanish, iqlim o'zgarishining ta'siri va suvning adolatli taqsimlanishi masalalariga bag'ishlangan.

Suv resurslari va energetika vazirligi ushbu tashrif suv resurslarini boshqarish, mintaqaviy muvofiqlashtirish va xalqaro hamkorlikni mustahkamlash yo'lidagi muhim qadam sifatida qaralishini ta'kidlamoqda.

Forumda turli mamlakatlardan yuqori martabali vakillar, texnik mutaxassislar va suv xo'jaligi sohasida ishlaydigan tashkilotlar ishtirok etmoqda.

Forum davomida Umar Afgʻoniston suv xoʻjaligi sohasining hozirgi holati va yutuqlarini xalqaro auditoriyaga taqdim etadi, shuningdek, mintaqaviy hamkorlikni kengaytirish, qoʻshma loyihalarni ishga tushirish va texnik tajriba almashish boʻyicha bir qator uchrashuvlar va muzokaralar oʻtkazadi.

Surat: Dunyo axborot agentligi