AFG'ONISTON, 2026-yil 3-fevral – Karavan Info axborot agentligi. Tolibon Sog'liqni saqlash vazirligi vakili Sharafat Amarxil Afg'onistonning 18 viloyatida poliomielitga (bolalar falajiga) qarshi emlash kampaniyasi boshlanganini ma'lum qildi.

Uning so'zlariga ko'ra, kampaniyaning maqsadi besh yoshgacha bo'lgan 7,3 milliondan ortiq bolani poliomielit virusidan himoya qilishdir.

Amarxilning ta'kidlashicha, kampaniya dushanba kuni boshlangan va payshanbagacha davom etadi.

U mintaqaviy oqsoqollar, din ulamolari va oilalarni emlashni muvaffaqiyatli amalga oshirish uchun tibbiyot xodimlari bilan faol hamkorlik qilishga chaqirdi.

Aksiya Qobul, Nangarhor, Logar, Kunar, Nuriston, Paktiya, Paktika, Xost, G‘azni, Qandahor, Hilmand, Uruzgon, Balx, Faryob, Qunduz, Hirot va Bodg‘is viloyatlarida o‘tkazilmoqda.

2025-yilda, poliomielitni yo'q qilishga qaratilgan sa'y-harakatlarga qaramay, Afg'onistonda kamida to'qqizta kasallik holati qayd etilgan.

Afg'oniston va Pokiston poliomielit virusi hali to'liq yo'q qilinmagan dunyoning sanoqli mamlakatlari qatorida qolmoqda.

Surat: Reuters