AFG'ONISTON, 2026-yil 11-fevral – Karavan Info axborot agentligi. Tolibon iqtisodiy komissiyasining Texnik qo'mitasi, iqtisodiy ishlar bo'yicha bosh vazir o'rinbosari Abdulg'ani Baradar raisligida, o'zining navbatdagi yig'ilishida Milliy qishloq xo'jaligi va chorvachilikni rivojlantirish siyosatini, shuningdek, baliqchilik sohasini rivojlantirish loyihasini ma'qulladi.

Taqdim etilgan rejaga ko'ra, xususiy sektor investitsiyalari orqali mamlakatning turli hududlarida 6500 gektar maydonda 7700 ta kichik, o'rta va yirik baliqchilik fermalari tashkil etiladi.

Tolibon rasmiylarining ta'kidlashicha, loyihaning amalga oshirilishi mamlakatning ichki baliq ehtiyojining 90 foizigacha qoplaydi va taxminan 300 ming kishini to'g'ridan-to'g'ri va bilvosita ish bilan ta'minlaydi.

Ta'kidlanishicha, ushbu qaror yakuniy tasdiqlash uchun harakatning oliy rahbari idorasiga yuborilgan.

Surat: Salom Vatandar