Toshkent shahar hokimi Shavkat Umurzoqov Malayziyaning AWC Berhad korporatsiyasining rivojlanish bo‘yicha direktori Muhammad Ihson Anvar Bin bilan muzokaralar o‘tkazdi. Uchrashuv xalqaro hamkorlikni kengaytirish va shahar infratuzilmasining asosiy yo‘nalishlariga sarmoya jalb etish doirasida o‘tkazildi. Umurzoqov suv ta’minoti, uy-joy kommunal xo‘jaligi, transport va shaharsozlik sohalarida joriy va istiqbolli loyihalarni taqdim etdi. Malayziya tomoni, oʻz navbatida, Toshkent transport tizimini rivojlantirish, hashamatli brendlarni jalb etgan holda sayyohlik obʼyektlarini qurish, shuningdek, logistika xabini yaratish va qattiq maishiy chiqindilarni boshqarish sohasini isloh qilishdan dastlabki manfaatdorligini bildirdi. Poytaxt vokzallarini rekonstruksiya qilish g‘oyalari ham muhokama qilindi. Uchrashuv yakunlari bo‘yicha tomonlar muzokaralarni davom ettirish va kelgusidagi loyihalarning aniq yo‘nalishlarini birgalikda o‘rganishga kelishib oldilar.