Август ойи бошида Тошкент ҳокими Шавкат Умурзоқов пойтахтнинг олтита туманида таъмирлаш лойиҳаларини амалга ошириш бўйича қарорлар қабул қилди. Ушбу қарорлар шуни кўрсатадики, таъмирлаш лойиҳалари режалаштирилган массивлар рўйхати Ўзбекистон Вазирлар Маҳкамасининг қарорига мувофиқ тузилган.

Ҳокимнинг ҳужжати билан “Тошкент инвест” компаниясининг комплекс ривожлантириш ва таъмирлаш лойиҳалари амалга ошириладиган участкаларнинг чегараларини аниқлаш бўйича таклифлари маъқулланди. Айрим ҳудудларда рўйхатда фақат таъмирлаш лойиҳалари мавжуд бўлиб, ҳужжатларда уларни амалга ошириш режалаштирилган кўчалар ва маҳаллаларнинг координаталари кўрсатилган.

Таъмирлаш жойлари қуйидагича тақсимланади:

Мирзо-Улуғбек тумани — 26,71 гектар;

Сергели тумани-35,15 гектар;

Шайхонтоҳур тумани — 36,82 гектар;

Чилонзор тумани — 5 гектар;

Яшнобод тумани-54,67 гектар;

Яккасарой тумани-13,03 гектар.

Сурат: Туристер.ру