Жорий йилнинг сентябрь ойи охирига қадар Тожикистон “Истиқлол” туннелини қуришнинг иккинчи босқичи бўйича ишларни якунлашни режалаштирмоқда, деб хабар беради мамлакат Tранспорт вазирлиги. Вазирлик таъкидлашича, ҳозирги пайтда шамоллатиш, ёритиш, ёнғинни ўчириш тизимлари, кабеллар ва хавфсизлик тизимларини ўрнатиш бўйича ишлар якунланди.

«Тез орада ўрта ва паст кучланишли панелларини ўрнатишни бошлаймиз. Биз уларга Қозоғистонда буюртма бердик. Тафсилотлар ҳозир Тожикистон чегарасида ва биз уларни ҳафта охиригача олишни кутмоқдамиз», – дейилади вазирлик хабарида. Ушбу ишлар тугагандан сўнг, туннелнинг ишлашга тайёрлигини текшириш учун комиссия тузилади.

Эслатиб ўтамиз, Эроннинг Фароб компанияси туннель қурилиши билан шуғулланади. Лойиҳанинг иккинчи босқичининг умумий қиймати 11 млн. долларни ташкил этади. Ушбу сумманинг 50 фоизи Тожикистон бюджетидан ажратилган, қолган қисми эса Эрон томони томонидан ускуналар кўринишида бепул тақдим этилган.

“Истиқлол” туннели Душанбедан 90 км шимолда Душанбе-Хўжанд шоссесида жойлашган баланд Анзоб довони остидан ўтади. Унинг узунлиги 5,2 км.

Очиқ манбалардан олинган фотосуратлар