Тожикистон Президенти Кубоги учун ўсмирлар ўртасида теннис бўйича халқаро турнир 1-7 сентябрь кунлари Душанбе шаҳрида бўлиб ўтади. Бу ҳақда Тожикистон Миллий Олимпия қўмитаси хабар бермоқда.

Турнирда 20 дан ортиқ мамлакатдан спортчилар иштирок этади. Мусобақалар якка тартибда ва жуфтликда ўғил ва қиз болалар ўртасида ўтказилади.

Эслатиб ўтамиз, ўсмирлар ўртасида Тожикистон Президенти Кубоги учун биринчи халқаро теннис турнири 2005 йилда бўлиб ўтган ва 2021 йилда халқаро теннис Федерацияси мусобақалари тақвимига киритилган.

Сурат: НИАТ «Ховар»