Боҳтарда пластик чиқиндиларни қайта ишлаш корхонаси қурилади. Бу ҳақда шаҳар раиси Абдумажид Мўминзод 1 август куни бўлиб ўтган матбуот анжуманида маълум қилди. Лойиҳанинг қиймати 1 млн. доллар.

Полигонлар масаласи узоқ вақтдан бери жуда кескин бўлиб келган. Бохтарнинг «Муниципал корхонаси» да айтилганидек, шаҳарда ахлат юк машиналари ва бошқа махсус жиҳозлар етарли эмас, шунинг учун компания катта ҳажмдаги ахлатга дош беролмайди ва уни шаҳар полигонига олиб боришга улгурмайди.

Таҳлилларга кўра, чиқиндиларнинг 50% пластик бўлиб, бу мамлакат экологиясига жуда зарарли. Шунинг учун вазиятни енгиллаштириши керак бўлган махсус қайта ишлаш заводини қуришга қарор қилинди. Бохтар раҳбари, шунингдек, мэрия бошқа турдаги чиқиндиларни қайта ишлайдиган корхоналарни қуриш бўйича қўшимча лойиҳаларни кўриб чиқаётганини қўшимча қилди.

Сурат: очиқ манбалардан олингпн