23-iyun kuni Tsyurixda Qirg‘iziston Respublikasining Shveytsariyadagi elchixonasi “Switzerland Global Enterprise” kompaniyasi bilan hamkorlikda ishbilarmonlik davra suhbati o‘tkazdi.Bu haqda Qirg‘iziston Respublikasi Tashqi ishlar vazirligi matbuot xizmati xabar berdi.

Tadbirda Shveytsariya kompaniyalarining 40 dan ortiq vakillari, shuningdek, Qirg‘iziston Respublikasidan Iqtisodiyot va savdo vaziri o‘rinbosari S.Bolotov boshchiligidagi delegatsiya ishtirok etdi.

Tadbir davomida delegatsiya rahbari S.Bolotov, Qirg‘iziston Respublikasi transport va kommunikatsiyalar vaziri o‘rinbosari A.Turg‘unboyev, Qirg‘iziston Respublikasi Sog‘liqni saqlash vazirligi vakili A.Turdaliyeva, “Kyrgyzelektronics” kompaniyasi, shuningdek, Shveytsariyaning Schwihag AG va SICPA SA kompaniyalari taqdimotlari tinglandi.

Davra suhbati 9 yillik tanaffusdan so‘ng 2025-yil 24-iyun kuni Bern shahrida bo‘lib o‘tgan Qirg‘iziston-Shveysariya hukumatlararo qo‘shma komissiyasining 5-yig‘ilishiga to‘g‘ri keldi.